September 30, 2007

Анагаах ухааныг сонгосон чамаас асууя.


Анагаахын оюутнуудад: Анагаах ухааныг сонгосон чамаас асууя.
Эмч болох гэж байгаа чамаас асууя. Ахлах сургуульдаа физик, англи хэлэнд дуртай байсан байж магад. Гэхдээ анагаах ухаанд дуртай байсан гэвэл худлаа. (Японы ихэнх анаагаахын сургуулийн шалгалтанд бичгийн шалгалтаас гадна ярилцлагын шалгалт авдаг.) Японы аль ч ахлах сургуульд анагаах ухааныг заадаггүй юм. Тиймээс анагаах ухаан сонирхолтой учраас эмч болохоор шийдсэн гэх нь байж болзошгүй эд. Чи өөрөө энэ ухаанд дуртай үгүйгээс үл хамааран, сонгосон гэдэг бодит байдлаа хүлээж авахаас өөр аргагүй. Дуртай дургүйгээ мэдэхгүй байж өөр шалтгаанаар энэ мэргэжлийг сонгосон чамд өөрт чинь л хариуцлага ноогдоно.Иймээс хичээл сонирхолгүй байна гээд хичээл таслахыг зөвшөөрөхгүй.
Дараа нь чамаас асууя. Хүмүүсийн өмнө анагаах ухааныг сонгосон шалтгаанаа хэлж чадах уу?"Ирээдүйд эдийн засаг, нийгмийн хувьд боломжийн байр суурьтай" гэхээс өөр хариу хэлж чадахгүй бол Дантегийн Divine Comedy-ийг уншиж төгсөг. ( Японд хамгийн хүндтэй ?? гэж дуудагддаг мэргэжил нь эмч, багш, өмгөөлөгч байдаг. Чадахгүй бол өөр мэргэжил рүү шилж.
Цааш нь асууя. Бусдад зориулах, өөрийгөө золиослох урам зориг чамд байгаа юу? Эмчийн мэргэжил олон ангит кинон дээр гардаг шиг тийм сайхан эд биш. Хүнд өвчтөний төлөө хэдэн хоног дарааллан жижүүрлэж, яаралтай өвчтөний төлөө амралтынхаа төлөвлөгөөг гэнэт болих зэрэг өдөр тутам тохиолдох асуудал.

Нас барах өвчинд шаналан уйлах өвчтөний сэтгэл зүрхийг дагах сэтгэл чамд байна уу?Чамаас шаардагдана. Эмчийн мэдлэг дутууг өршөөхгүй. Дутуу дулимаг мэдлэгтэй эмч болвол гэмгүй өвчтөнийг үхүүлнэ. Мэдэхгүй өвчний оношийг тавина гэж худлаа. Мэдэхгүй өвчнийг эмчлэнэ гэж худлаа.Эцэст нь өөрийн хариуцлагагүй байдлаас болсон гэх сэтгэлгүйгээр "янз бүрийн арга хэрэглэсэн ч аварч чадсангүй, харамсалтай байна"гэх нь дэндүү ичмээр. Ийм эмч болмооргүй байгаа бол "сайн сураад, сайн тогло" гэдэг үгийг март. Анагаахын оюутанд "сайн сураад, сайн сур" гэхээс өөр зам байхгүй гэдгийг ойлго.

Эмчийн улсын шалгалтанд тэнцээгүй оюутан аль ч сургуульд байдаг. Бүгд тэнцсэн ч болохоор шалгалтанд 10, 20% нь унадаг нь эмч гэдэг мэргэжлийн хүнд хариуцлагыг мэдрээгүйгээс болж байгаа юм.

Чи өөрөө, чиний хамгийн хайртай хүн хүнд өвчинд баригдсан тохиолдолд дутуу дулимаг мэдлэгтэй эмчийн гарт тэр амийг даатгаж чадах уу? Эмч мэдэхгүй байж болохгүй. Эмч болно гэдэг айж чичирмээр зүйл.

Эцэст нь чамд хэлье. Эмчийн 2 баяр баясгалан байдаг юм. Эхнийх нь эмчлэгдэн эрүүл мэндээ эргүүлэн олж авсан өвчтөний баяр бол мөн эмчийн баяр. Дараагийнх нь энэ орчлонгийн хүмүүн төрөлхтөний төлөө анагаах ухааны нээлт хийх баяр.

Ингээд чи сайн сурч бурхан шиг энэрэнгүй, гарын дүйтэй сайн эмч боллоо гэе. Тэгвэл хэдэн өвчтөнг эмчилж чадах бол? Өдөрт 10 цаг, жилд 300 хоног, нийт 50 жил ажиллалаа гэж бодъё. Тэглээ гээд ихдээ 900000 өвчтөнг үзнэ. Гэтэл энэ нь Японы хүн амын 1%-д ч хүрэхгүй, дэлхийн хүн амыг тооцсоны ч хэрэггүй.
Инсулины нээлтийн өмнө эмч чихрийн шижингийн комонд орсон хүнд өвчтөнгийн өмнө тэдний төлөө юу ч хийж чадахгүй арга мухардан суудаг байсан. Харин Бантинг, Бест нарын ололтоор дэлхийн өнцөг булангийн хэдэн зуун сая хүн аврагдаж одоо ч аврагдсаар байна.
Эхний баярыг амсахын төлөө зүтгэх нь эмчийн үүрэг. Гэвч нэгээр дуусахгүй хоёр дахь баярыг амсахын төлөө ч зүтгээсэй гэж хүсэж байна. Сэтгэлийн жинхэнэ тайвшралыг авчрах нь эд баялаг, нэр хүнд, байр суурь биш хүний төлөө гэсэн хүчин зүтгэл юм шүү


love each other... untill to end


September 29, 2007

Блог дээр бичлэг нэмж болдог боллоо

Ойрноос блог дээрээ бичлэг нэмж чадахгүй унших л үүрэгтэй хэцүү байлаа. Одооноос овоо блогт маань post нэмдэг болж нар мань гардаг гэж байна шт. Тэгээд баяраа тэмдэглээд ганц бичлэг нэмье. Хүн ер нь өөрийн дураар байж байгаад гэнэт хамаг юмаа боолгуулаад байхаар хэцүү юм байна шүү. Тэгээд бичлэг нэмж болохгүй болохоор блогоороо ч орохоос дургүй хүрээд хэдэн блогчидын блогоор ороход зөндөө гоё гоё блог нэмэгдсэн байна лээ шүү. Одоо яг санадаггүй ээ. Дараа нь хэдэн шинэ блоггеруудыгаа зад рекламданаа. Блог бичээд нилээн ч удчлаа. Гоё гоё юм тавимаар байвч. Зарим сайт орохгүй хэцүү хэцүү хэхэ.. Одоо яаая гэхэв. Dersu uzala гэж Deppsu-д маань гоё нэр өгсөн байна шт хэхэ. Ойрд нээрээ хууччуулынхаа блогоор ч орох зав байсангүй. Дараа нээрээ блогчид нэг Beer fest хийвэл яасан юм болоо.


September 22, 2007

Genealogy (www.geni.com)

Энэхүү Genealogy буюу гэр бүлийн уг гарал нь маш сонирхолтой юм байна. Бүх гэр бүл болон хамаатнуудаа оруулаад хэддэх хүүхэд нь гээд мэдээллээ оруулахад шууд мод хэлбэрээр харуулчихдаг юм байна. Тэгээд бүгдийнх нь information -г оруулахад e-mail -р invite очоод бүгд нэгдээд бүртгүүлчих боломжтой. Та хэрвээ хэн нэгнийх төрсөн өдрийг мэдэхгүй бол 2, 3 хоногийн өмнө танд тэр ахын чинь төрсөн өдөр боллоо та greeting явуулах уу? гээд и-захиа ирнэ дээ. Та тэхээр гэр бүлийнхээ хэн нэгнийг гомдоохооргүй боллоо. Танд ажилт хүсье. Ойрд нээрээ пост нэмж чадаагүйд уучлаарай.


September 21, 2007

Матерлист эсүүл Идиалист

Өнгөрч байгаа энэ долоо хоногт манайд Уламжлалт анагаах ухаан гэдэг хичээл ороод өнгөрлөө.Над шиг барууны анагаах ухаанаар 6н жил сурчихаад байгаа хүнд бол Уламжлалт анагаах ухаан үнэхээр харь хэл шиг л санагдсан. Номыг нь бариад уншаад суухаар яг нэг өөр гаригын хэлээр юм уншиж байгаа мэт. Гэхдээ бас асар том шинжлэх ухаан гэдгийг нь сайн ойлгож авсан. Тэр тусмаа хүнийг эрхтэн тус бүрээр нь биш цогц бүрэн байдлаар нь судладаг шинжлэх ухаан юм. Анх багшынхаа яриад байгааг ойлгох гэж хамаг толгойгоо эргүүлээд сүүлдээ овоо нөгөө хий, шар, бадгана гэх мэт үг хэллэгт нь дасан зохицож авлаа. Ерөнхийд нь уламжлалт анагаах ухаанд хүнийг 3 ангилдаг. Хий, Шар, Бадгана гэж. Тус тусдаа өөрийн гэсэн онцгой шинжүүдтэй бөгөөд хүн болгонд 3н шинж нь 3лаа ямар нэгэн байдлаар агуулагдаж байдаг байна. Хэрвээ 3лаа тэнцүүхэн байвал тэр хүн бол хүний дээд буюу төгс хүн юм. Эсвэл энэ 3н шинжийн аль нэг нь илүү давамгайлсан хүн ч байдаг. Жишээ нь Хий шинжтэй хүн бол их дэврүүн сэтгэхүйтэй. хурдан шаламгай гэх мэт яг нөгөө хөлөнд нь хий орчихсон гэдэгтэй яг адилхан хүн байдаг. Шар хүн гэвэл их шар нь гозолддог, ууртай, шазруун хүн байх, Бадгана хүн бол их тайван удаан, сэтгэхдээ бага зэрэг удаан боловч зөв сэтгэдэг гм зөндөө олон шинжүүд байдаг байна.
Уламжлалт анагаах ухааныг үндсэн 3н том онолоор тайлбарладаг.
1. Арга билэгийн онол
2. 5н бие махбодын онол
3. 3н бие махбодын онол...
Эдгээр онолууд нь хэдийгээр хийсвэр юм шиг боловч бас үнэн байх боломжтой. Ер нь Уламжлалт анагаах ухаан бол нотолгоон дээр суурилсан гэхэд бас нэг тйимэрхүү, харин европын анагаах ухаанд бол хүний биеийг бүрэн шинжилгээнд оруулаад аль нь яаг яагаад байна гэдгийг оношлоход амар. Тийм болохоор илүү матерлист талруугаа юмуу даа. Уламжлалт бол харин илүү идиалист талтай болвуу гэж бодлоо. Гэхдээ эд юмс бүхэн 2талтай байдаг гэж багш минь хэлсэн. Хүйтэнээ халуун нь дарж халуун нь хүйтэнээ дарж байдаг шиг, бас өглөө нөр мандаж байхад үдэш нь сар мандаж байдаг ч юмуу. Байнгын харилцан холбоон дээр энэ ертөнц тогтдог гэх Арга билэгийн онолыг YING YANG ын онол гэдэг.Уул нь ингээд бичээд байвал маш их зүйл байгаа.


September 20, 2007

Dance...

i love this song... even it is little too old...sing and dance ....



September 12, 2007

Never forget 911

Энэ өдөр хичнээн хүнд уйтгар гуниг уй гашуу авчирсанг би мэдэхгүй. Гэхдээ би энэ тоо цөөн биш л гэдгийг сайн мэдэж байна. Одоог хүртэл тэр өдөр санаанаас минь гардаггүйн. Тэр өглөө энгийн д нэгэн намрын сайхан өглөө байлаа. Би ч хичээлдээ очиод эхний пар геометр орж байлаа. Хичээл ороод 30 мин л болж байсан байх. Анги дотор байдаг радиугаар сургуулийн захирал мэдэгдэл хийн телевизороо асааж үзэхийг хүсээд бүх сурагчид сургуулын байрыг орхиж явахгүй байхыг хүссэн. ТВ-р New York дахь Дэлхийн худалдааны төвийн 2 цамхагыг шууд дамжуулан үзүүлж байлаа. Анх үзэж эхэлэхэд дөнгөж анхны онгоц нь ихэр цамхагын нэгийг нь мөргөцөн харагдаж байсан. Тэгээд удаагүй байтал бидний нүдэн дээр л дараагийн онгоц 2дахь цамхагыг мөргөсөн. Бид нар ангидаа сандралдаад л . Бүгдээрээ л утасаа гарган гэрлүүгээ утасдаж эхэлсэн. Тэгээд нэвтрүүлэг шууд дамжуулж байх хооронд эхний хичээлийн цаг дуусч дараагийн ангируу явсан. Тэнд бас л ТВ асаалттай байлаа. Юун хичээл хүн болгон л сандарцан царайтай ТВ ширтэж өнгөрсөн. Тэгээд удалгүй 3 дахь 4 дэхь гээд л онгоцууд унасан талаар мэдээ ирсэн. Пентагоныг хүртэл нэг нь оноод унацан байсан. Надад тэр үед үнэхээр аймшигтай санагдаж байсан. Тэр өдөр манай сургууль тугаа бөхийлгөөд бүтэн 5н өдөр хичээл ороогүй дээ. Дараа хичээл орох өдөр бид нар сургуулынхаа өмнө гашуудлын жагсаал хийж нэг охинд эмгэнэл илэрхийлсэн. Учир нь түүний эгч нь худалдааны төв-д ажилладаг байсан бөгөөд ор сураггүй алга болсон байсан юм. Энэ их уй гашуутай өдрүүдийг Америкчуудтай цуг хуваалцаж өнгөрөөсөнөө би хэзээ ч мартахгүй. Манай хөршүүд хэдэн өдрийн турш лаа асааж хүндэтгэл үзүүлж байлаа. Би тэр үед их том хотод амьдардаг байлаа. Тэгээд дахин том хотуудруу дайралт хийж магадгүй гээд хамгаалалт сайн байлаа. Гэхдээ л одоог болтол энэ халдлага хэний буруугаас болсонг ойлгож нэг л чадахгүй юм.


Ард түмнийг гарцаар гаргаж сургах аян

Ард түмнийг анхлаад комьпютержуулах аян явж баахан худлаа ПС нууд хүмүүсд хулхидаж зарсан. Дараа нь Интернэтжүүлэх аян. Тэгснээ одоо айл бүрийг аппратжуулах аян гээд нэг аппрат зараад байгаа. Тэгж олон янзын юм хийж байснаас анхнаас нь айл бүрийг гарцаар гаргаж сургах аян явуулдаг газар байсиймдаа. Одоо гудамжаар зай завсаргүй холхилдож байгаа хүмүүсийн сайндаа л 10н хувь нь гарц гэж юу байдгыг мэдэж хэргэлдэг улс байдаг байх. Тэрнээс бусад нь бол за бүү мэдээ. Зам дээгүүр хөндлөн голд алхаад л амар амар. Тэгээд бас муугаа мэдэхгүй машинд дайрдуулаад мөргүүлээд тэгээд дараа нь олон юм ярихыг нь яаана. Өнөөдөр л гэхэд Гэмтэлийн эмнэлгийн хүлээн авахад цагын дотор 3н хүн машин мөргүүлсэн гээд ирсэн. Мэдээж дандаа онгироо зантай залуучууд. Тэгээд шарханд нв оёдол тавих гэсэн бараг уйлах шахсан даа.Эр юм байж ямар ч аймхайн.Зүгээр мэдээ алдуулагч тарихын хооронд л орилоод чарлаад бөөн юм болсон. 3лаа хөдөөнийх ядаж байхад. Их хотын соёл гэдгийг бодвол амьдралдаа ч сонсож үзээгүй царайны гарууд. Ядаж л гарцаар гарж сурчихаад хотод ирж амьдармаар юм. Би өөрөө тэгээд бас хамаагүй хааяа хурд хэтрүүлчих гээд байдаг талтай жолооч. Явган хүмүүсийн цуваа замын хөдөлгөөнд ямар их саад болдог гээч. Хүмүүс гарцаар гарч сураагүй юмаа гэхэд хөдөлгөөн ихтэй замуудын доогуур туннэл татаад тэрэнгээрээ хүмүүсийг зам гаргаад байж болдоггүй юм байх даа. Уул нь ч сая нэг 2 хоног хэдэн замын цагдаа ядартлаа л зайлуулал гудамжинд зогсож ажиллаад байх шиг байсан. Тэрнийх нь үр дүн гэж юу ч алга. Бүгдээрээ л хаа хамаагүй замаар гардаг хэвээрээ. ХҮмүүсээ гарцаар зам гарцгааж байгаарай


September 8, 2007

Барцадаа гаргасан нь

Гарчигнаасаа эхлээд үнэн бүтэлгүй юмны талаар бичих гэж байгаа нь тодорхой байгаа байхаа. Өчигдөр хичээлээсээ ирж байгаад машиндаа сэв суулгацан. Муу чулуу хисэж хүрч ирээд урп салхины шил цуулаад, дээр нь машины хамар, хажуу талд нь бас нэг жижиг хонхойлгоцон. Муухай харагдаад байгаа. Машин маань хамран дээрээ юм гаргацан юм шиг л харагдаад. ядаж байхад салхины шилийг хүртэл цуулаад байхдаа явахав дээ. Тэр нь одоо улам нэмэгдэж цуураад байна биз. За юу ч гэсэн нэг иймэрхүү л барцадтай байна даа. Маргааш кузов засварт аваачиж өгөхөөс. Бас урдаас бөөн мөнгө нэхэх байх даа. Шилээ солиулж чадахгүй юмаа гэхэд ядаж сэвийг нь арилгуулая даа. Тэгээд нэг сайхан Гандан гарч өөртөө ном уншуулж бурхан багшдаа нэг мөргөөд ирнээ.Энэ жилийн минь барцад ингээд дуусаг гээд. Өнөөдөр дуучин Болдын тоглолт болоод бөөн л хөл хөдөлгөөнтэй байх шиг байна. Би ч очиж үзэж чадсангүй. Ажилтай байсан болохоор. За тэгээд хүмүүс минь машиныг минь хурдан эдгээсэй гэж залбираарай


September 6, 2007

Хичээл эхлээский


Төгсөх ангийн Жэнни охины хичээл эхэлцэн янзын байнаа.Буцаад л эмнэлгийн амьдрал эхлэх бололтой. Ойрын үед дандаа гэмтэлийн эмнэлэг дээр гарна. Их ч юм сурч их юм үзэж байгаа. Гэмтэлийн эмнэлэг гэж хүн ард холхисон ёстой л нэг нүсэр газар даа. Хүлээн авах дээр нэг ч минут зүгээр байна гэж байхгүй. Байнгын л хүн ирж үзүүлж байна. нэг эмч дор хаяж өдөрт 40с 50 хүн үзнэ гээд л ажил нь ундардаг газар даа. Байнга л осол аваар, хүнд зодуулсан улс, юмнаас унасан гээд л хугарсан гар хөлтэй хүмүүс энд тэндгүй байх юм. Аргагүй биз дээ манай Монголчууд чинь ямар хайхрамжгүй улс билээ. Замаараа ч зөв гарч чаддаггүй улс шүү дээ. Зам гэснээс ойрд замаар дүүрэн цагдаанууд шүү. Замын цагдаа, энгийн эргүүлийн цагдаанууд, бүр цагдаагын акдемийн бацаанууд хүртэл төв зам дагаад бараг л 5н алхамын зайтай зогсцон хүн амьтан гарцаараа гар гэж загнасан шиг өдөржин халуун наранд шарагдах юм даа. Анхнаас нь хүнд яаж зам гарахыг нь зааж өгөөгүй юм чинь одоо ингэж илүү мөнгө төгрөг заран байж хэдэн хоног замын хажуугаар сүр бадруулан зогсох утгагүй санагдах юм. Дараа нь энэ үйл ажиллагаагаа нээх их юм хийцэн юм шиг сүр бадруулаа д л ярина даа. инээдтэйн. За одоо унтая даа. Өглөө эмч нарын зөвөлгөөнөөс хоцорчихож магад.


Popular Posts

: