February 24, 2008

Хаврын синдром-1

Ингээд л нөгөө гайтай даваа гараг болчихлоо. Өглөө эрт босож эмнэлэг орно гэхээс залхуу хүрч байна. Яг үнэндээ хавар болчихоор хамаг бие нозоороод өглөө босох хэцүү байдагыг хүн болгон мэдэх байлгүй дээ. Нэг ёсны хаврын синдромын маань эхлэл гэсэн үг. Өнгөрсөн friday өдөр ангийнхаа 9 хүүхдийг гэртээ оруулж дайлав. Манай анагаахад нэг тийм бичэгдээгүй хууль байдагийн нэг нь буюу ОРУУЛЛАГА. Төгсөхийнхөө өмнөхөн хүүхэд болгон ангийнханыгаа дайлдаг журамтай. Гэртээ эсвэл өөр газар ер нь хаана ч хийсэн болно. Бид нар бүр хол өөр хотруу хүртэл явчихаад ирсэн гээч өмнө нь. Энэ удаа миний ээлж болж ангийнхаа хэдийг гэртээ сайхан дайлаад гаргасан даа. 6н жил хамт байсан болохоор ах дүү шиг л болчих юм. Дэмий балай юм ярисаар байгаад таарсан.Гэхдээ сайхан байсан шүү тэр орой.

Маргааш өглөө Чингэлтэй дүүргийн эмнэлэгрүүгээ явна даа. Эх барих эмэгтэйчүүдийн кабенит шиг завгүй ажилладаг газар байхгүй байхаа. Өнгөрсөн 2 жилд бондгор гэдэстэй хүүхнүүдийн тоо эрс нэмэгдсэн нь сайшаалтай ч хэтэрхий бага насандаа жирэмсэн болсон охидууд х байх юм. Дөнгөж л 18 хүрч байж төрөх гээд бондгор явж байх гэж. Тэгээд л нэг хүүхэд гаргаад эхэлчүүл гэрийн эзэгтэй болж байгаа юм даа. Сургууль соёл ч үгүй. Хаа байсан хөгширсөн хойноо сургууль гэж гүйхгүй нь ойлгомжтой. Ингээд л боловсролгүй гарууд их гарах юм шиг санагдаад байгаа. Гэхдээ миний л бодол шүү. Одоо цагт ч Ленин багшийн хэлсэн сургааль ч явцгүй болж дээ. Хэн сайн боловсрол авч түүнийгээ хурдан хугацаанд хэрэглэж чадаж байгаа нь амжилтанд хүрч байгаа. Чамайг хөгшин болсон хойно чинь хичнээн боловсрол эзэмшээд хэн ч тоохгүй шүү дээ.
За юу ч гэсэн өглөө ажилдаа явдаг л байгаа даа. Бондгор гэдэснүүдээ хүлээж авч хэмжилт хийсэн шиг завгүй өдөр өнгөрөх байх даа.


February 15, 2008

Шилдэг зар суртачилгаа


Тайлбаргүй.


February 14, 2008

Happy Valentines Day!

I <3 u Jenni.


HAPPY VALENTINE'S DAY

БИ ЧАМДАА МАШ ИХ ХАЙРТАЙ.

Бүгдээрээ сайхан баярлаарай




Охин үрээ хайрла

Охин үрээ хайрла!
Омогдож загнахдаа ч хайрла!
Охин үрээ хайрла!
Ойворгон зэмлэхдээ ч хайрла!

Нар ханын толгойд буухад хааяа нэг сэрэг, бүү зэмлэ
Насаараа тэр чинь өглөө босох хүн, төрсөн гэртээ л нойр аваг
Нар шингэж үдшийн хар чийг унатал найз нартайгаа дуулалдаг
Насаараа тэр чинь айлын голомт манаж морин төвөргөөн хүлээнэ

Энхрий гарын нь хурууг чилтэл гэр зуураа зарахдаа
Ээжийн цай уулгаж, аавын үгээр энхрийл,
Эцгийн гэрээс гармагц эрийн гарт нухлагдана
Харийн газар одож хадмын нүүрийг царайчилна!

Насаараа уухгүй амтат цайг нялх багад нь гэрт нь уулга
Насаараа амсахгүй жаргалыг нялх багад нь тоонотод нь эдлүүл
Насаараа сонсохгүй энхрий үгийг нялх багад нь гамнахгүй хэл
Насаараа нууж урсгах гашуун нулимсыг нь бодож цөөн уйлуул, охин үрээ!

Хүний гэргий болох гэж гангар шаазан шиг хагарна
Хүүхэн хонгор үрээ гарын алгандаа энхрийл
Хүй орчлонгийн жамтай тэнцүүлж түүнээ хайрла
Хөөрхөн хонгор аалинд нь эрхлүүлж түүнээ хайрла!

Үрийн эх болох гэж алтан заадал сална
Үүлэн хонгор үрээ тэнгэрийн мандалдаа эрхлүүл
Үйл нь дуусдаггүй хорвоод балчирт нь амжиж жаргаа
Үс гэзгээ цайтал өнөд шаналахыг нь болгоо!

Зөөлөн булбарай хурууг нь зүү утастай шадарлуул
Зүйдэл оёдлын хорвоод охин үр чинь төрснийг сана
Зөөлөн хонгор аашийг нь зүйр үгтэй шадарлуул
Зөвлөх хэлцэхийн хорвоод охин үр чинь төрснийг сана

Арван жил зэмлээд ч ухааруулж амжаагүй үгийг чинь
Анхны үр ньтөрөөд үдшийн шөнөдөө ухааруулна
Хорин жил дуудаад сэрээж чадаагүй нойрыг нь
Хонгор үр нь төрөөд үүрийн жавраар ч хулжаана

Охин үрээ энхрийл, орчлонгийн зовлонд цадахын цагтаа
Огшуун нулимсандаа живэхийн цагтаа хожмоо нэг дурсана
Аавын гэрт жаргасан даа гэж хэзээд нэг тайтгарна
Ээжийн өвөрт эрхэлсэн дээ гэж эрхгүй нэг уужирна

Охин үрээ хайрла!
Хясаа сувдаа нуудаг шиг хайрла!
Охин үрээ хайрла!
Үүл усаа хураадаг шиг хайрла

Охин үрээ хайрла!
Уул эрдэнээ нуудаг шиг хайрла
Охин үрээ хайрла!
Ус загасаа цэнгүүлдэг шиг хайрла

Хатуугаас хатуу үгийг ханатлаа үр чинь сонсоно
Хавраас намар хүртэл төрхөмдөө очиж хэлэх үү?
Хайртай охиноо зэмлэхдээ харцаараа ч болов энхрийл
Хаврын шувууд шиг намрын жимс шиг үгийг охиндоо хэл!

Бусдыг хайрлах л гэж төрсөн юм охин үрээ энхрийл!
Буцаж урсдаг ус байхгүй, эргэж та нарыг хайрлахгүй
Эргүүлэгт орчлон харин охин үрийг чинь хайрлахгүй
Энгэсэгт хацраар гэрэлтэвч зовлон нь та нарт харагдахгүй

Үндэс нь газарт цэцэг нь тэнгэрт
Үүн лүгээ адил санаж охин үрээ хайрла
Тэнгэрт чинь нар ч бий хур ч бий аянга ч бий
Тэнгэрлиг охин үрийг чинь жаргал ч тосно, зовлон ч тосно

Хөөрхий түүнийг нялхад нь жаргаа
Хүүрнэн сургаад яах вэ дээ орчлон түүний багш юм
Хүний л гарт очих бүсгүй түүнийг энхрийл
Хүний л эрхэнд жаргах охин үрээ хайрла
!


February 13, 2008

Бялуу

Талх (Бяцхан өгүүллэг)

Бид өдрийнхөө талхыг авахаар мухлагт ирэхэд талх хараахан гарч амжаагүй байв.
Талхчин: Та жаахан хүлээж байхгүй юу, талх 2-3 минутын дараа гарна гэв. Намайг хүлээж байх зуур нэгэн настайвтар, энгэртээ олон медаль зүүсэн, бага зэрэг доголон эр орж ирээд талхчинтай мэндлэн, тороо өгөв. Би хуучирсан талх хоёрыг гаргаж ирээд, торонд хийж өгөв. Би талхчинаас яагаад шинийг өгөөгүйг асуухад талхчин:
Өөрөө хүсдэг юмаа, их ядуу болохоороо надаас тал үнээр нь авдаг юм гэлээ.
Би " Энэ хэн юм бэ?" гэж асуухад талхчин:
Ахмад дайчин, хүү бэр хоёроо автомашины ослоор алдчихаад хоёр нялх ихрийг харж хоцорсон. Тэгээд тэднийгээ багахан цалингаараа өдийг хүртэл тэжээж яваа хүн дээ гэв. Түүний яриаг сонсоод надад өрөвдөх сэтгэл төрж, бага ч гэсэн тус болох юмсан гэж бодов. Тэгээд, зөрүүг нь би төлчихье. Нэг ч гэсэн удаа шинэхэн талх идэг гэхэд талхчин зөвшөөрсөн толгой дохиод талхыг шинээр сольж өгөөд, ах гуай та ч азтай хүн юмаа. Өнөөдөр таны ихрүүд шив шинэхэн бялуу шиг талх идэх болно гэв. Өвгөн баярлан талхаа авах зуураа, бурхан чамайг ивээг хүү минь. Өнөөдөр тэдний минь төрсөн өдөр болохыг яаж мэдээ вэ? гэв.

эх сурвалж: Голомт сонин


February 3, 2008

Битлз хамтлаг

Одоог хүртэл энэ хамтлагийн дуунуудыг хичнээн олон хүн сонсдогыг би үнэхээр мэдэхгүй. Гэхдээ би л лав хааяа сонсох үнэхээр дуртай. Энэ хамтлаг анх стерео дуугаралт гэдэг үзүүлэлтийг гаргаж ирсэн гэдгийг сонсож байсан юм байна шүү. Английн алдарт Ливерпоол хотоос гаралтай John Lennon, Paul McCartney, George Harrison болон Ringo Starr нар уг хамтлагийг үүсгэн байгуулж байжээ. Их британи улсад уг хамтлаг нийтдээ 40 гаруй албом сингл гаргаж байсан гэдэг.Битлз хамтлаг 1985 он гэхэд нийтдээ 1 тэрбум гаруй хувь албомоо зарсан гэдэг баримт байдаг. 20 August 1969 онд Abbey Road гэдэг нэртэй цомогоо студи-д 4лээ цугтаа бичүүлсэн хамгийн сүүлийн цомог нь болсон юм.


Ингээд өөрийнхөө хамгийн дуртай дуугаа тавилаа


Popular Posts

: